Monsieur, le desir que j’ay estre teneu en votre

bonne souvenance me faict postposer tout doubte

vous importuner d’une mauvaise lettre, laquelle

toutesfois, pour ceste heure, m’est seul moyen

m’y pouvoir mainctenir, attendant qu’une bonne

et digne occasion de vous fayre service, me rende

tant heureux faire paroistre ma bonne volonté

n’estre moindre que le debvoir. J’estime m’en

rendre plus apte par plusieurs belles vertus

qu’on peult apprendre en ce païs, où puis qu’ai chois

de leur marchandise, esseyeray trier la bonne

d’avec la mauvaise qu’y pourroit estre meslée,

vous asseurant, monsieur, qu’il y a tousiours

bonne commoditté de l’une et de l’aultre. Au reste

je souhaitterois infiniment vous pouvoir porter

aultant de leur tranquilité que de leur beaulx

exercices, partye desquels, attendant vous fayre

veoir, vous presenteray mes très humbles recommandations,

et priray Dieu,

monsieur, vous donner heureuse et longue vye.

A Padoua, ce premier de mars 1574

Votre plus humble et

obeissant serviteur

Beauieu

Consultation